भांगरभूंय | प्रतिनिधी
स्वातंत्र्य सैनिकांचीं भुरगीं संघटणेचें कार्य व्हरतली मुखार
पणजी: गोंयांतले 88 वर्सां पिरायेचे ज्येश्ठ स्वातंत्र्य सैनीक गुरुदास कुंदे हांची गोंय दमण आनी दीव स्वातंत्र्य सैनीक संघटणेचे नवे अध्यक्ष म्हूण एकमतान निवड जाली.
तशेंच चडशे स्वातंत्र्य सैनीक जाण्टे जाल्ल्यान संघटणेचें कार्य मुखार व्हरपा खातीर स्वातंत्र्य सैनिकांच्या भुरग्यांक कार्यकारी समितींत आस्पावन घेवपाचो म्हत्वपूर्ण निर्णय संघटणेचे साबार बसकेंत घेतलो.
ते प्रमाण सर्गेस्त शोभा आनी मनोहर प्रभुदेसाय हांचो पूत संदेश प्रभुदेसाय हांकां संघटणेचे सचीव म्हूण वेंचून काडलो.
पेडणेंचे ज्येश्ठ स्वातंत्र्य सैनीक संजय कृष्णराव प्रभुदेसाय हांची उपाध्यक्ष म्हूण जाल्यार कुंकळ्ळीचे ज्येश्ठ स्वातंत्र्य सैनीक रोहिदास देसाय हांची भांडारीपदार निवड जाली.
स्वातंत्र्य सैनिकांच्या भुरग्यां मदीं विजय डिसोझा हांची जोड सचीव जाल्यार अविनाश शिरोडकार आनी प्रशांत नायक हांची दक्षीण गोंय प्रतिनिधी म्हूण निवड केल्या. तशेंच सुभाष नायक जॉर्ज आनी रघुनाथ देसाय हे कार्यकारिणी वांगडी म्हूण पदभार सांबाळटले.
संघटणेच्या कार्यकारी समितीचे बसकेंत सर्गेस्त स्वातंत्र्य सैनिकांच्या कांय विधवांक केंद्र सरकाराचें पेन्शन बंद केल्ल्याचो प्रस्न तशेंच हेर प्रस्नांचेरूय चर्चा केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
