भांगरभूंय | प्रतिनिधी
मोबायल फोन, लॅपटॉपा सयत एक लाखाचो म्हाल जप्त
म्हापशें, प्रतिनिधी ः आल्त पिळर्णां बंगल्याचेर पर्वरे पुलिसांनी धाड घालून क्रिकेट बेटिंगाचे प्रकरण उक्ताडार हाडले. कर्नाटकांतल्या 3 दुबावितांक अटक केल्या आनी मोबायल फोन, लॅपटॉप, वायफाय रावटरा सयत एक लाख रुपयाचो म्हाल जप्त केलां.
आयसीसी क्रिकेट वर्ल्डकप सर्तीत काल भारत विरुद्ध अफगाणिस्तान हांचे मदीं मॅच जाली. मॅच सुरू जातकच कर्नाटकांतले तीन सट्टेबाज ‘कोण जिखतलो?’ हाचेर ऑनलायन सट्टेबाजी करताले. ही म्हायती पर्वरे पुलिसांक मेळ्ळी. उपरांत पुलिसांनी बंगल्याचेर धआड घाली आनी कर्नाटकांतल्या शंकर एन. (४६), रूपेश पी. (३४) आणि आर. कुमार (३२) या तीन दुबावितांक अटक केली.
पर्वरे पुलिसांनी चवकशी करपाक एक पंगड तयार केलो. तातूंत पुलीस निरिक्षक राहुल परब, पुलीस उपनिरिक्षक सीताराम मळीक, हवालदार उत्कर्ष देसाय, महादेव नायक, सिद्देश नायक, योगेश शिंदे आनी नितेश गावडे हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
