भांगरभूंय | प्रतिनिधी
कोविड स्थिती नियंत्रणात, फ्लु क्लिनिक सुरू करतलें
पणजी : कोविड दुबावितांक कोविड चांचणी करपाचो सल्लो दिवपाचे आ FC FC FC FCदेश जारी जाल्या. ओमिक्रोन व्हेरिएंट जेएन 1 चे दुयेंती राज्यांत मेळ्ळे आसले तरी हुस्को करपा सारखी स्थिती ना. जिल्हो हॉस्पिटलात फ्लु क्लिनिक सुरू जातले. कोविड दुयेंतींची भलायकी बरी आसा. कोविड दुबावितांक चांचणी करपाचो सल्लो दितले. सध्या स्थिती नियंत्रणात आसा, अशें मुख्यमंत्री डॉ. प्रमोद सावंत हांणी सांगलें.
केरळ राज्यांत ओमिक्रोन व्हेरिएंट जेएन 1 चे दुयेंतीं मोठ्या प्रमाणात मेळळ्या. हे फांटभुयेर केंद्रान राज्य सरकारांक अॅडवायजरी जारी केल्या. गोंयांत जे दुयेंतीं मेळ्ळ्या तांची भलायकी बरी आसा. कोविड स्थिती नियंत्रणात आसा. कोविड पाताळचो न्हंय म्हूण सरकार जतनाय घेता, अशें मुख्यमंत्री डॉ. प्रमोद सावंत हांणी सांगलें. केंद्रा कडल्यान अॅडवायजरी जारी जाल्या आसली तरी मास्क घालपाविशीं कसल्योच सुचोवण्यो ना, अशेंय मुख्यमंत्र्यांन सांगलें.
मजगती आयज केंद्रीय भलायकी मंत्री मनसुख मांडविया हांणी राज्यांच्या भलायकी मंत्र्यांची विडीयो कॉन्फरंसिंग पध्दतीन बसका घेतली. राज्याचे भलायकी मंत्री विश्वजीत राणे बसकेत वांटेकार जाल्ले. जिल्हो हॉस्पिटलात फ्लु क्लिनिक सुरू जातलें, अशें भलायकी मंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
