भांगरभूंय | प्रतिनिधी
साहित्य अकादेमीचे अणकार पुरस्कार जाहीर
खबरां संस्था
नवी दिल्ली : साहित्य अकादेमीच्या कार्यकारी मंडळाची बसका काल हांगा जाल्ली. अध्यक्ष डाॅ. चंद्रशेखर कंबार अध्यक्षस्थानाचेर आसले. ह्या वेळार 22 भाशां खातीर 2021 चे अकादेमीचे अणकार पुरस्कार जाहीर केले. राजस्थानी आनी मैथिली भाशांचेर पुरस्कार कांय दिसांनी जाहीर करतले. पुरस्कार म्हूण 50 हजार रुपया आनी तांब्याचे मानचिन्ह फुडल्या कांय म्हयन्यां भितर भेटयतले.
कोंकणी खातीर गीता शेणाॅय हांच्या ‘बहुजिवा भारतिकाच्या’ आरती ह्या पुस्तकाक पुरस्कार मेळ्ळा. मूळ पुस्तक कन्नड. के व्ही. पुट्टप्पा हांचें. मराठी खातीर स. कुमार नवाथे हांकां सी आॅफ पोपी ह्या अमिताव घोषाच्या इंग्लीश पुस्तकाच्या अणकारा खातीर मेळ्ळां.
कांय पुरस्कार, कंसांत मूळ पुस्तक.
बंगाली- युगांत, नीता सेन समर्थ (मराठी, महेश एलकुंचवार, युगांत नाटक), इंग्लीश- स्मृतीचित्रे, शांता गोखले (मराठी, लक्ष्मीबाई टिळक, स्मृतीचित्रे), हिंदी- ज्वालामुखी पर, धारणेंद्र कुरकुरी (कन्नड, बसवराज कट्टीमणी, ज्वालामुखीया मेले), कन्नड- गुरुलींग कापशे (मराठी, वि. स. खांडेकर, एका पानाची कहाणी) तशेंच हेर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
