भांगरभूंय | प्रतिनिधी
रस्त्या कुशीक कोयर उडोवप ८० टक्के उणें
फोंडें, प्रतीनिधी : कुर्टी – खांडेपार पंचायत मंडळान खांडेपाराच्या म्हत्वाच्या पुलाचेर सीसी टीव्ही बसोवपाक सुरवात केल्या. नव्या आनी पोरण्या पुलाचेर सीसीटीव्ही कॅमेरे बसयल्यार दूधसागर न्हंयेंत कोयर उडोवपी कॅमेर्यांत कैद जातले. तशेंच दोनूय पुलां वयल्यान वाहतूक जावपी वाहनांचेरून सीसीटीव्ही नदर दवरतलो.
कुर्टी पंचायत वाठारांत फाटल्या पंचायत मंडळान सीसी टीव्ही कॅमेरे बसयल्ले. उपरांत नव्या पंचायत मंडळान खुबश्या सुवातांचेर रस्त्या कुशीक कोयर उडोवप्यांचेर सिसीटिव्ही घालून नियंत्रण मेळयलें. सध्या ह्या पंचायत वाठारांत २६ सीसी टीव्ही कॅमेरे बसयल्यात. तांतलो एक फोडून उडयला. जाल्यार आनीक एक कोणे तरी चोरलो. पंचायती वतीन फोंडें पुलीस स्टेशनांत दुबाविता आड कागाळ नोंद जाल्या. सीसी टिव्ही कॅमेरे बसयल्ल्यान रस्त्या कुशीक कोयर उडोवपाचें प्रमाण ८० टक्के उणें करपाक पंचायत मंडळाक येस आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
