भांगरभूंय | प्रतिनिधी
भांगरभूंय । प्रतिनिधी
काणकोणः काणकोण ज्येश्ठ नागरीक मंच, काणकोण वेपारी संघटना आनी भलायकी कल्याण समितीच्या वांगड्यांनी शुक्रारा काणकोण पुलिसां सामकार आपल्यो समस्या मांडल्यो. पुलीस उपअधिक्षक संदेश चोडणकार आनी निरीक्षक चंद्रकांत गांवस हाणे त्यो आयकून घेवन त्या सुटाव्यो करपाचें आस्वासन तांका दिलें.
चावडी मार्केटांत सीसीटीव्ही कॅमेरे बसोवप, पार्किंग वेवस्थेंत सुदारणा करप, व्हडान आवाज करून मोटारसायकल चलयतात तांचेर कारवाय करप, रस्त्याद गोरवां आनी कुत्र्यांचो बंदोबस्त करप ह्या विशयाचेंर बसकेंत भासाभास जाली. जे प्रश्न पुलीस खात्या कडेन संबंदीत ना ते कारवाये खातीर संबंदीत खात्याच्या अधिकाऱ्यांक धाडटले अशें निरीक्षक चंद्रकांत गांवस हाणे बसके उपरांत सांगलें.
बसकेंत जाल्ले चर्चेंत ज्येश्ठ नागरीक मंचाचो अध्यक्ष डायगो डिसिल्वा. शांताजी नायक गांवकार, धिल्लन देसाय, , नातविदाद डिसा, सुकुमार, होनोरात फ़र्नाडीस, ईश्वर, अनिल भगत, गणाधीश नगर्सेकार, मधुकर देसाय, पुनो वेळीप, सुकुर फ़र्नाडीस, .कार्वालो, सागर नगर्सेकार हांणी वांटो घेतलो. बसकेक तारा केरकार हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
