भांगरभूंय | प्रतिनिधी
पणजी, प्रतिनिधी : फाटल्या कांय दिसां सावन कांद्याची किंमत वाडतूच आसा. कांद्याचें दर सद्या मळबाक तेंकलां. बाजारांत आयज कांद्याची किंमत ६५ ते ७० रुपया किलो आसा. बुधवारा फळ उत्पादनाच्या दुकानांचेर कांद्याचो दर ४४ रुपया आशिल्लो. आयज तो वाडून ५६ रुपया असो जाला. १९ ऑक्टोबरच्यान कांद्याच्या दरांत वाड जायत आसा. आदीं कांदो ३० ते ३४ रुपया किल आशिल्लो.
राज्यांतलो चडसो कांदो बेळगांव बाजारांतल्यान हाडटात. परतीच्या पावसाक लागून कांद्याचें कांय प्रमाणांत लुकसाण जाल्लें. ताका लागून बेळगांवां कांद्याचो उणाव आसा. कांद्याची चड मागणी आनी उणी पुरवण, अशें चित्र मुखार आयलां. देखून गोंयांत येवपी कांद्याचें प्रमाण उणें जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
