भांगरभूंय | प्रतिनिधी
इफ्फीचे उक्तावण, समारोप डॉ. मुखर्जी स्टेडियमांत
पणजी, प्रतिनिधी : कला अकादमी आतां कार्यावळीं खातीर उक्ती जाल्ली आसली तरी चित्रपट महोत्सवात चित्रपटांचे प्रदर्शन कला अकादमींत जावचें ना. मास्टर क्लास, ओपन फोरम ह्यो कार्यावळी कला अकादमींत जातल्यो, अशें मुख्यमंत्री डॉ. प्रमोद सावंत हांणी सांगलें.
गोंयांत 20 ते 28 नोव्हेंबर मेरेन चित्रपट महोत्सव जातलो. महोत्सवाचें उक्तावण तशेंच समारोप ताळगांवच्या डॉ. श्यामाप्रसाद मुखर्जी स्टेडियमाचेर जातले. महोत्सवाची 99 टक्के तयारी पुराय जाल्या. हाका लागून दर वर्सा प्रमाण इफ्फीचें येसस्वी आयोजन जातलें, अशें मुख्यमंत्री सावंत हांणी सांगलें. उक्तावणाची कार्यावळ सांजेच्या 5 वराचेर जातली.
2004 सावन राज्यांत चित्रपट महोत्सव जाता. महोत्सवा खातीर परिशद घर उबारपाची प्रक्रीया सुरू आसा. इंडियन पॅनोरमा, प्रीमियर मेळोन 300 वयर चित्रपटांचे महोत्सवात प्रदर्शन जातलें अशेंय डॉ. सावंत हांणी सांगलें. पत्रकार परिशदेत मनरिजवण संस्थेची उपाध्यक्ष आमदार डिलायला लोबो आनी सीईओ अंकिता मिश्रा हाजीर आशिल्ली. इफ्फीच्या गोंय विभागांत २० प्रवेशिकांतल्यान वेंचून काडले ७ सिनेमा. मनरिजवण संस्थेच्या अधिकाऱ्यांनी दिली म्हायती.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
