भांगरभूंय | प्रतिनिधी
पणजी, प्रतिनिधी ः कदंब सड्यारकाल रातीं गाडयेन धपको दिल्ल्यान हरलाल मुर्मू (29, पश्चिम बंगाल) हाका मरण आयलें. ह्या हिट अँण्ड रन प्रकरणांत गोंय पुलिसांनी कर्नाटकाची गाडी आयज कुळे चेक पोस्टाचेर धरली. हरलाल हाका गाडयेचो धपको बसून जाग्यारुच मरण आयिल्लें. बाबू कुमार (25, बंगळुरू) अशें गाडी चलोवप्याचें नांव आसा.
दुबावीत के ए-03 एन एम- 7907 क्रमांकाचे एर्टिगा मोटारींतल्यान पणजे वटेन वतालो. त्याच वेळार कदंब सड्यार रस्तो हुपतना हरलाल हाका नेटान धपको बसलो. हरलाल मुर्मूक जाग्यारुच मरण आयलें. अपघाता उपरांत दुबावीत यू टर्न घेवन फोंडे वटेन पळून गेलो. एका स्कुटर चलोवप्यान हे मोटारीचो फाटलाव केलो आनी नंबर पुलिसांक दिलो. मजगतीं, दुबावीत कर्नाटकाचे वटेन पळून वचपाचे तयारीत आशिल्लो. पूण ताचे पयलींच ताका कुळे चेक पोस्टाचेर पुलिसांनी ताब्यांत घेतलो. बेकायदेशीरपणान गाडी चलोवन एका मनशांक मारिल्ल्याचो गुन्यांव पुलिसांनी ताचेर नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
