भांगरभूंय | प्रतिनिधी
फाल्यां वर्धापन दीस सुवाळो
पणजी, प्रतिनिधी : आदले मुख्यमंत्री प्रतापसिंह राणे हांचे कारकिर्दींत सुरू जाल्ल्या कदंब येरादारी म्हामंडळाक फांल्या 43 वर्सां जातात. अर्थीक लुकसाणीक लागून म्हामंडळ खिळखिळें जालां आसलें तरी ताका आदार दिवपाचे येत्न चालू आसात. दसऱ्याच्या म्हूर्ताचेर आज महामंडळ वर्धापन दीस मनयता. मंगळारा सकाळीं 10.30 वरांचेर पणजे वर्धापन दिसाची कार्यावळ जातली.
मुख्यमंत्री डॉ. प्रमोद सावंत, येरादारी मंत्री मॉविन गुदिन्य, येणावळ मंत्री बाबूश मोसेंरात, महामंडळ अध्यक्ष उल्हास तुयेंकर हाजिर आसतले. डिझेल गाड्यांच्या जाग्यार इलेक्ट्रिक गाड्यो हाडून म्हामंडळाक उबारी दिवपाचे येत्न सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
