भांगरभूंय | प्रतिनिधी
म्हापशें: ओशेल, शिवोले दोन घरांचेर झाड पडून पांच लाखांचें लुकसाण जालें. म्हापशें उजो पालोवपी दळाच्य जवानांनी झाड कापून कुशीक काडलें.
ही घडणूक बुधवारा सकाळीं घडली. आंब्याचें व्हडलें झाड प्रतिमा प्रभाकर धारगळकार आनी कालिदास कळंगूटकार हांच्या घराचेर कोसळ्ळें आनी दोनूय घरांचें लुकसाण जालें.
हातूंत धारगळकार हांच्या घराचें तीन लाख रुपया जाल्यार कळंगूटकार हांच्या घराचें दोन लाख रुपयांचें लुकसाण जालें.
घडणुकेची म्हायती मेळटकूच सरपंच प्रवीण कोचरेकार हांणी घडणूक थळाक भेट दिवन पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.