ओडिशांत भिरांकूळ रेल्वे अपघात

भांगरभूंय | प्रतिनिधी

50 प्रवाशांक मरण, 350 जखमी, कोरोमंडल एक्स्प्रेसचो म्हालगाडयेक धपको

खबरां संस्था
ओडिशांत रेल्वेची व्हड दुर्घटणा घडल्या. बालासोरांत बहनागा स्टेशना लागसार कोरोमंडल एक्स्प्रेस आनी म्हालगाडी हांचे मदीं हो भिरांकूळ अपघात घडलो. ह्या अपघातांत 350 प्रवासी जखमी जाले, जाल्यार 50 परस चड प्रवाशांक मरण आयिल्ल्याची म्हायती मेळ्ळ्या.
कोरोमंडल एक्स्प्रेस अस्तंत बंगालच्या हावडांतल्या शालीमार स्टेशना वयल्यान चैन्नयक वताली. ओडिशांतल्या बहनागा स्टेशना लागसार पावले उपरांत कोरोमंडल एक्स्पेस आनी म्हालगाडी एकामेका मुखार आयली. ह्या भिरांकूळ अपघातांत कोरोमंडल एक्स्प्रेसीचे 18 डबे रुळा वयल्यान घसरले.
थळाव्यांचे मजतीन पथका कडल्यान बचावकार्य चालू आसा. रेल्वे रूळा वयल्यान डबे कुशीक काडपाचें काम सुरू आसा. जखमींक सोरो सीएचसी, गोपाळपूर सीएचसी, खांतपाडा पीएससी हॉस्पिटलांत दाखल केल्या.
बहनगा स्टेशना लागसार सांजे हो अपघात जालो. प्रशासनान अपघाता विशीं आपत्कालीन नियंत्रण कक्ष क्र. 6782282286 जारी केला.
मजगतीं, मुळाव्या म्हायती प्रमाण ह्या अपघातांत 132 प्रवासी जखमी जाले जाल्यार 50 प्रवाशांक मरण आयिलें. घडणूक सुवातेर मजत आनी बचावकार्य सुरू केला.
एक्स्प्रेस आनी म्हालगाडी हांचे मदलो अपघात भिरांकूळ आशिल्लो. ह्या अपघातांत कोरोमंडल एक्स्प्रेस रुळा वयल्यान घसरली. तशेंच एक्स्प्रेसचे डबे रुळा वयल्यान घसरिल्ल्यान सध्या ह्या मार्गा वयल्यान जावपी रेल्वे येरादारी बंद केल्या.
अपघात सुवातेर सोद आनी बचाव कार्या खातीर पथकां घडणूक सुवातेर पावल्यात. तेच प्रमाण बालासोरच्या जिल्होधिकाऱ्यांक गरजेची वेवस्था करपाक घडणूक सुवातेर पावपाक सांगलां. तशेंच रेल्वे रुळा वयल्यान डबे कुशीक काडपाचें काम सुरू केला. एकाच वेळार दोन रेल्वे एकाच रुळार कशो आयल्यो हाचो तपास रेल्वेन सुरू केला. मेळिल्ले म्हायती प्रमाण सिग्नलांच्या तंत्रीक इबाडाक लागून ह्यो रेल्वे समोरासमोर आयिल्ल्याची म्हायती मेळ्ळ्या.

  • आतां मेरेन 50 परस चड प्रवाशांक बहनगा हॉस्पिटलांत दाखल केल्यात.
    -बालासिनोर आनी आशिकुशीच्या हेर जिल्ह्यांतली वैजकी पंगड मजती खातीर धांवल्यात.
    -दोनूय रेल्वे एकामेका मुखार आयिल्ल्यान हो अपघात घडलो. रेल्वे टॅकाचेर सिग्नल यंत्रणेंत इबाड जाल्ल्यान दोनूय रेल्वे एकाच रुळाचेर आयल्यो.
  • कोरोमंडल एक्स्प्रेस दनपारां 3.15 वरांचेर शालीमार रेल्वे स्टेशनांतल्यान चैन्नयक वताली. ओडिशा पसून 40 किमि. अंतराचेर कोरोमंडल एक्स्प्रेल म्हालगाडयेक आदळ्ळी.
    -कोरोमंडल एक्स्प्रेसीचे 18 डबे रूळा वयल्यान घसरल्यात.