भांगरभूंय | प्रतिनिधी
नवी दिल्ली, खबरां संस्था: पॅलेस्टायनाचे ‘हमास’ संघटणेच्या हल्ल्या उपरांत इस्रायलांतल्या झुजांतल्यान सुटका मेळिल्ल्या आनीक १९७ भारतीयांक ‘ऑपरेशन अजय’ खाला भारतांत हाडल्यात. ह्या नागरिकांक आयतारा १५ ऑक्टोबराक सकाळीं चार्टर्ड विमानांतल्यान दिल्ली हाडले.
दिल्ली विमानतळार इस्रायलच्यान परतल्ल्या भारतीय नागरिकांक केंद्रीय मंत्री कौशल किशोर हांणी येवकार दिलो. विमानतळाचेर देंविल्ल्या भारतीय नागरिकांच्या मुखामळार खोस दिसताली.
मजगतीं, काल शेनवारा ऑपरेशन अजय खाला, तेल अवीव, इस्रायल हांगच्यान २३५ भारतीय नागरिकांक घेवन दुसरें विमान नवी दिल्लींतल्या इंदिरा गांधी आंतरराष्ट्रीय विमानतळार पावलें. जाल्यार शुक्रार, १२ ऑक्टोबराक एक विमान २१२ भारतीय नागरिकांक घेवन आयिल्लें.
आतां मेरेन वट्ट ६४४ लोक इस्रायलच्यान भारतांत परतल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
