भांगरभूंय | प्रतिनिधी
मडगांव, प्रतिनिधी: सध्या घोगळांत रावपी भास्कर बेगारी (मूळ आंध्रप्रदेश) ह्या दुबाविता आड एकूच फ्लॅट दोन फावटीं विकिल्ल्याचो गुन्यांव नोंद जाल्लो. ह्या प्रकरणांत नावेलीच्या सुरेंद्र नायक हांणी आपले आवयक ताणें १२ लाखांची टोपी घाल्ल्याची कागळ केल्ली. ते प्रमाण ही कारवाय केल्या.
मेळिल्ले म्हायती प्रमाण, एकदां विकिल्लो फ्लॅट परत विकून आकें -नावेलीचे एके बायलेक १२ लाखांक फटयिल्ले खातीर फातोड्डें पुलीस स्टेशनाचेर भास्कर बेगारी आड गुन्यांव नोंद केला. प्रभा नायक हांकां दक्षीण गोंय जिल्होधिकारी कार्यालयांतल्या सबरजिस्ट्रार कार्यालयांत व्हरून भास्कर हाणें पयलींच विकिल्लो फ्लॅट परत विकलो. हें सगळें १ ऑगस्ट २०१४ दिसा घडिल्लें. आपले आवय फटयल्ल्याचें सुरेंद्र नायक हांकां कळटांत तांणी पुलिशेंत कागाळ नोंद केल्ली. हे विशीं निरीक्षक दितेंद्र नायक हांच्या मार्गदर्शना खाला उपनिरीक्षक योगेश गांवकार हे तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
