भांगरभूंय | प्रतिनिधी
भांगरभूंय । प्रतिनिधी
वास्कोः वेर्णा पुलिसांनी बिरेस्तारा रातयां आरोशीं हांगा एका घराचेर छापो घालून थंय चलपी आयपीएल बॅटिंगाचो पर्दाफाश केलो. धा जाणांक अटक करून तांचे कडेन आशिल्ले 31 मोबायल, 7 लॅपटॉप, 3 इंटरनेट रावटर आनी हेर इलेक्ट्रॉनिक्स वस्तू मेळून 10 लाखां परस चड मोलाचो मुद्देमाल जप्त केलो. निरीक्षक डायगो ग्रासियश हाच्या फुडारपणा खाला पुलिसांनी ही कारवाय केली.
बेटिंग रॅकेटांतल्या नितीन सिंग (31,छत्तीसगड), सचिन सिंग (24, उत्तर प्रदेश), सौरभ देशपांडे (29, महाराष्ट्र), सनी जयस्वाल (31,दिल्ली), सत्येंद्र कुमार सिंग (27, उत्तर प्रदेश), सुनील कुमार रे (27, ओडिशा), मितेश प्रधान 923, छत्तीसगड), नंदकिशोर शाहू (31, छत्तीसगड), दिलीप सिंग (24, राजस्थान) आनी किशन सिंग (21, राजस्थान) हांका पुलिसांनी अटक केल्यात. कोलकाता नायट रायडर्स आनी सनरायर्स हैदराबाद हाचे मदले आयपीएल मॅचीचे बेटिंग ते घेताले.
अटक केल्ल्यां मदले दोन जाण आसाम पुलिसांक जाय आशिल्ले. ताकां अटक केल्ल्याची आसाम पुलिसांक दिल्या. न्यायालया कडल्यान ट्रान्सफर वॉरंट घेवन तांका ताचे सुवादीन करतले अशें उपअधिक्षक सलीम शेखान सांगलें. अटक केल्ल्यां आड पीडीडीपीजी कायद्याच्या कलम 3 आनी 4 खाला गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
