भांगरभूंय | प्रतिनिधी
खबरां संस्था ः अमेरिकेंत आनी ब्रिटनांत रावपी भारतीय भारतांत पयशे धाडपाचे बाबतींत (Remittamce) पयल्या क्रमांकाचेर पावला. फाटल्या वर्सा ह्या दोनूय देशांतल्या भारतीयांनी 2.74 लाख कोटी रुपया धाडल्यात. तातूंतले 1.91 लाख कोटी अमेरिकेंतल्यान धाडले जाल्यार 83 हजार कोटी ब्रिटनांतल्यान धाडले. संवसारीक बँकेच्या अहवाला प्रमाण फुडल्या 5 वर्सांत दोनूय देशांतल्यान भारतात धाडपाची रक्कम दुपेटीन वाडटली.
रेमिटन्साचे नदरेन भारतीयांनी अरब देशांक फाटीं घाल्या. हांगाच्यान फकत 2.33 लाख कोटी भारतांत आयले. भारतांतले 48% उच्च कुशळटाय आशिल्ले वेवसायीक अमेरिका-ब्रिटनांत रावतात. उच्च शिक्षणाक अमेरिका-युकेंत वचपी भारतीय 5 वर्सांत 12% वाडले. पांच अरब देशांत भारतीय लोकांचो आकडो कामगार वर्ग आनी मध्यम कुशळटायेचे कामगार म्हणून चड आसा.
पयश्यांचो प्रवाह वाडपाचीं कारणां
अरब देशांतल्यान रेमिटन्सांत 26% देंवती
फाटल्या पांच वर्सांत युएई, संयुक्त अरब अमीरात, कुवेत, ओमान, कतार ह्या अरब देशांतल्यान भारतांत येवपी रेमिटन्स 26% ते 28% उणो जाला. जाल्यार अमेरिकेंतल्यान- ब्रिटनांतल्यान 10% वाड जावन ते 36% जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
