भांगरभूंय | प्रतिनिधी
भांगरभूंय । प्रतिनिधी
काणकोणः करमल घाटांत सोमाराक जाल्ल्या अपघातांत मरण आयिल्लो अरूण गांधी एमएफए (मास्टर इन फिनान्स मेनेजमेंट) हे परिक्षेंतलें आपले येस मनोवपा खातीरआपले दोन इश्ट आनी दोन इश्टिणी वांगडा गोंयांत आयिल्लो ही म्हायती ताच्या घरच्यानी दिली. अरूणाची कुडी पोस्ट मॉर्टेमा उपरांत मंगळारा पुलिसांनी तांचे सुवादीन केली.
घरच्यांनी दिल्ले म्हायती प्रमाण 23 वर्सां पिरायेचो अरूण गांधी शिकपाक हुशार आशिल्लो आनी एमएफएम परिक्षेंत 98.8 टक्के गुण घेवन तो पयलो आयिल्लो. आपले हें येस मनोवपाक तो इश्ट इश्टिणी वांगडा तो गोंयांत आयिल्लो.
गांधी कुटूंब मंगळाराक गोयांत आयलें आनी तांणी काणकोण पुलिसांची भेट घेतली. करमल घाटांत वाकडें मोडण हांका रेन्ट अ कार आनी टॅन्कारा मदीं सोमाराक दनपारां जाल्ल्या अपघातांत कार देंगणांत पडून अरूणाक मरण आयिल्लें. अपघातांत जखमी जाल्ल्या हेर चार जाणांक हॉस्पिटलांतल्यान डिसार्ज दिला आनी फुडले उपचार मुंबय करतले. अरूणाची कुड मंगळारा उसरां विमानान मुंबय व्हेली अशी म्हायती पुलीस निरीक्षक चंद्रकांत गांवस हाणे दिली.
अरूणाच्या कुटूंबान केल्ले विनवणे वयल्यान तीन जाणांच्या काणकोण पुलिसांच्या पंगडान मंगळारा अपघाताचे सुवातेर वचून अरूणाच्या मोबायलाचो सोद घेतलो पूण तो मेळपाक शकलो ना. सूत्रांनी दिल्ले म्हायती प्रमाण सोमाराक रातया मेरेन संबंदीत मोबायलाची रींग मेळटाली मात मंगळा सकाळच्यान तो स्वीच ऑफ मेळटालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
