भांगरभूंय | प्रतिनिधी
भांगरभूंय । प्रतिनिधी
काणकोणः आगोंदा हांगा शेताचे लाकडाचे वयेक लायिल्ल्या नायलॉनच्या जाळांत फारावल्ल्या अडेज मीटर लांब म्हांयडोळाक राना खात्याच्या अधिकाऱ्यांनी वाटायलो. भात शेतांत रानवटी जनावरांनी येवचे न्हय हे खातीर सावियो फर्नांडीस ह्या शेतकारान हें जाळें लायिल्लें.
शेनवाराक सकाळीं शेतांत गेल्ले कडेन सावियो हाका नायलॉन जाळांत कसलो तरी जीव वळवळता हें दिसलें. भात पिकपाक लागता तेन्ना तें खावपा खातीर रानवटी जनावरां शेतांत येतात. अशेंय एक जनावर आसत म्हणून सावियोन वचून पळयत जाल्यार तो एक म्हांयडोळ आशिल्लो. जाळ्यांतल्या तो जितलो भायर सरपाक नेट लायतालो तितलो तो जाळांत चड फारावत गेलो.
सावियोन राना खात्याच्या अधिकाऱ्यां कडेन फोना वयल्यान संपर्क सादून तांका ही म्हायती दिली. उपरांत तांणी येवून म्हांयडोळाक धरून व्हेलो. जाळ्यांतल्यान सुटपाचो यत्न करतना म्हांयडोळाक जखम जाल्ल्यो. मात तो बरो आसा आनी ताका रानांत सोडलो अशें राना अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
