भांगरभूंय | प्रतिनिधी
भांगरभूंय । प्रतिनिधी
वाळपयः आझादीका अमृतमहोत्सवा निमतान अंजुणे धरणाच्या सोडून दितात त्या उदकाचेर उदकास्रोत खात्यान तिरंगी रंगाची विद्युत रोशणाय केल्या. हें मनोहारी दृश्य 15 ऑगस्ट मेरेन लोकांक पळोवपाक मेळटलें. लोकांनी ताचो लाब घेवचें अशें आवाहन पर्ये मतदारसंघाची आमदार दिव्या राणे हिणे केलां.
शेनवारा रातीं दिव्या राणे हांचे हस्तुकीं हे रोशणायचें उक्तावण केलें. अंजुणे धरणाच्या माध्यमांतल्यान पर्यटन उदरगतीक चालना मेळपाक शकता. सांजे 6.30 तें 8.30 मजगतीं रोशणाय लोकांक पळोवपाक मेळटली. फाटल्या कांय दिसां सावन पडपी पावसाक लागून धरण पुराय तांकीन भरलां. ताका लागून फुडल्या कांय दिसां सावन उदकाचो विसर्ग करतात. धरण अधिकाऱ्यांनी दिव्या राणे हांच्या सामकार धरण वेवस्थापनाच्यो आडमेळ्यो मांडल्यो. हो प्रश्न सुटावो करपाचें आस्वासन तिणे दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
