भांगरभूंय | प्रतिनिधी
मडगांव : सांवरकट्टो- कुंकळ्ळे हांगा श्री लक्ष्मी मंदिरात, आयतारा 10 जुलयाक आषाढी एकादशी निमत्तान 24 वरांचो भजनी सप्ता जातलो. दनपरां 12 वरांचेर सुरु जावपी सप्ता 11 जुलयाक दनपरां 12 वरांचेर सोपतलो. ह्या निमतान मंदिर समितीन आयतारा 10 जुलयाक रातीं 8 वरांचेर गोंयचे नामनेचे तबलेंले वादक आनी संगीतकार यतीन तळावलीकर आनी नामनेची गायिका गौतमी हेदे बांबोळकार हांच्या अंर्तनाद क्रिएशन्सनाची “हरी तेथेची भेटला” हे कोंकणी आनी मराठी भक्तिसंगीत कार्यावळीचें आयोजन केलां. गोंयकार गीतकार नंदन हेगडे देसाय, दामोदर (दामू) नायक, सुमंत देसाय हांची यतीन तळावलीकार हांणी संगीत दिल्लीं पदां कार्यावळींत सादर करतले.
धनराज मडकयकार (हार्मोनियम), सुरजीत थळी (तबले), अवधूत च्यारी (पखावज), प्रा. तारानाथ होळेगद्दे (तालवाद्य) हे साथसंगत करतले, ध्वनी येवजण रुद्रेश फोंडेकार हांची आसा. सूत्रनिवेदन प्रा. अनंत अग्नी करतले. सगळ्या विठ्ठल भक्तांनी आनी रसिकांनी कार्यावळीचो लाब घेवचो अशें श्री लक्ष्मी मंदिर ट्रस्ट समितीन कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
