भांगरभूंय | प्रतिनिधी
खबरां संस्था
युरेगी (अमेरिका)ः महाराष्ट्राच्या अविनाश साबळेन अपेक्षे प्रमाण संवसारीक अॅथेलेटिक्स चॅम्पियन सर्तींत 3000 हजार मीटर स्टिपलचेस प्रकारांत फायनलींत प्रवेश केलो. दोहा हांगा 2019 वर्सा जाल्ले संवसारीक अॅथेलेटिक्स सर्तींचे फायनली खातीर पात्र थारपी साबळेन तिसरे नंबराचे शर्तींत 8.18 मिनटां अशी वेळ नोंद केली. फायनल भारतीय वेळा प्रमाण मंगळारा जातली.
सर्तीच्या अर्द्या टप्प्या मेरेन साबळे आघाडेर आशिल्लो. मात इथिओपियाच्या हॅलेमारियम अमारे (8.18 मिनटा) आनी अमेरिकेच्या ईव्हा जॅगेरन (8.18 मिनटां) ताका फाटीं उडयलें. सर्तीच्या तीन शर्तींत पयल्या तीन नंबरांच्या सर्तक आनी ते उपरांतचे 8 धांवपटू अंतीम फेरेये खातीर पात्र थारल्यात. साबळेन जून म्हयन्यांत प्रतिश्ठेच्या डायमंड लीग सर्तींत पांचवो नंबर मेळयल्लो. तेन्ना ताणे 8.12 मिनीट 48 सेकंदाचो नवी राष्ट्रीय विक्रम केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
