भांगरभूंय | प्रतिनिधी
पणजी, प्रतिनिधी: एनईपी कार्यवाये खातीर सरकारी पावंड्यार नेटान यत्न चालू आसले तरी आमदार हे कार्यवायेचेर खोशी नात. एनईपी खातीर अर्थसंकल्पांत फकत २ कोटींची तजवीज आसा. ही पुराय ना, अशें आमदार व्हॅन्जी व्हिएगस हांणी सांगलें.
सरकारान नियोजन करून एनईपीची कार्यवाय करपाक जाय, अशें आमदार कार्लोस फेरेरा हांणी सांगलें.
सभाघराच्या अंदाज समितीची बसका जाली. हे बसकेंत हेर विशयां सयत एनईपीचेर चर्चा जाली. बसकेक कार्लोस फरेरा, व्हॅन्जी व्हिएगस हांचे सयत आमदार दिगंबर कामत आनी हेर आमदार हाजीर आशिल्ले. एनऐपी खातीर अर्थसंकल्पात २ कोटींची तजवीज आसा. ही तजवीज मुळाव्या पावांड्यार पसून पावची ना, अशे व्हिएगस हांणी संगलें. एनईपी विशीं सरकार गंभीर ना, असो आरोप तांणी केलो. सरकारा कडेन एनईपी कार्यवाय सारकें नियोजन ना. सरकार एनईपी कार्यवायेची घाई करता. हातुंतल्यान हेर प्रस्न निर्माण जावपाची भिरांत आसा, अशें आमदार फेरेरा हांणी सांगलें. एनईपीची कार्यवाय सुरु जाल्या अशें आमदार कामत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
