यु नो !

भांगरभूंय | प्रतिनिधी

वळेसर

पूण युनो?  म्हणटा रे हांव. कितलें वादळ येवन थांबना ….म्हाझूज दिसना. पूण झूज चलता हय रे, इमारती मोडून उडयल्यो. भुरगीं वाऱ्यार पडली. आमकां दिश्टीच पडना रे

यु नो?

एस आय नो.

तुका कितें खबर आसा ? बेठो आय नो म्हणटा तो. तुका कांयच अदमास ना कसलोच. आरे युनो म्हणय. युनायटेड नेशन आॅरगनायझेशन कळ्ळें?

ते म्हजे तकले वेल्यान. तुका कितें कळटा तातुंतलें? गोबोर. बेठोच जाणां म्हणटा. आजकाल तांचेंय आदण शिजनाशें दिसता. आमच्या आज्याच्या तेंपार केदो धाक आशिल्लो खंय. आतां कितें कोणे सिझफायर म्हणले. कोण कीट पेटय सगळेंच व्हरून उडय उदकां व्हाळांत.

कितें रे, कोणूच कोणाक कॅर काडना. हे कांय गोरे… हांची परंपरा म्हणल्यार उजो लावप, फंण्णा घालप आनी कुशीक रावन मजा पळोवप.

युनो? एस आय नो! अजय आनी अनिकेत एकमेकाक पळोवन हांसलें. इतल्यान जयवंत पावलो.

कितें म्हणटात तें खरेंच तुमी. आमची भलायकी सांबाळटा ते मरे?

कांय उपेगाची नारे! आसा म्हूण आसात. मेल्ले वारी वरी. आरें ! तो हो कसले कसले वेपार कबलाती सायन करती आसतात. डिप्लाॅमॅटस डिप्लाॅमॅटीक पुलीस डिप्लोमसी !

ओ! आय सी. हांचे आदीं ब्रिटीशांनी कितें केलें? तशीच ती… पाॅलिसी डिप्लाॅमसी मॅककोलेवरी आमची संस्कृती भास वाट लायली तशी.

तुका खबर आसा, कसले कसले म्हारोग सान भुरग्यांक जातात… मोबायलाक लागून तो मायोपिया तूं जाणाच आसतलो. एक दीस असोय येतलो पळयात. मागीर रडून कांय फायदो जावचो ना. वाटुय मेळची ना रे.

Go the extra mile. Its neves crowded there, अशें धोरण आमचें आशिल्लें तर आमी फुडें पावताशिल्लें. 

तुका दिसता तितलें सादें न्हय रें.

तें नेहा वळखता न्हय तूं? वीस- बावीस वर्सांचें. आरे लग्नय जालां. मागीर कितें जालां ताका. दोगांक बेस्ट कॅन्सर आनी म्हजी भयण म्हणटाली, आॅव्हारयन कॅन्सर 

कितें सांगता रे?

हय हांवूय असोच शाॅकार जालो रे.

आमच्या ह्या भयणीचो फुडार कितें? तरी बरें फस्ट स्टेज म्हूण. पयशाक पयसो आनी वेल्यान कितले मनस्ताप?

लोकांच्यो प्रतिक्रियाच अशो संवसार बुडलो. घडपाचें घडटा. त्या मनशाचो आत्मविश्वास वाडोवचे बदला आमी ताका फोणांत पडिल्याचो भास करूंन दितात.

तेंच म्हणटा आतां पळय संवसारांतल्यो म्हत्वाचो घडणुको हांगांच न्हय. युएस, आॅस्ट्रेलिया, एशिया घडटात. ती सफर जातात मरता वतात. W.H.O. चीच जापसारदारकी म्हणूनये पूण आमी  कितें करतात हें पसत?

ओव्हरनेस खंय आसा?

आसाच, पूण कांय फावट कळना खंय.

हेंच न्हय हे भलायके विशीं जालें रे. पूण युनो?  म्हणटा रे हांव. कितलें वादळ येवन थांबना ….म्हाझूज दिसना. पूण झूज चलता हय रे, इमारती मोडून उडयल्यो. भुरगीं वाऱ्यार पडली. आमकां दिश्टीच पडना रे?

कितें म्हणटा हाजेर उपाय सोदपीच मोने जावन बसतात. तर मुखार कोणे उलोवप. पावली कोणे मारप? पावर फकत पावर! सुड बुद्द आनी कीट वडोवन धुंवरांत लोकांचे दोळे फोडपी!

अजय आनी अनिकेत शिकिल्ले तरनाटे स्वताक संवसाराचो एक भाग मानपी. वाट काडपाचे तयारेंत बरीं पावलां मारूंन अभिमानान ताठ मानेन संवसाराक जगपाक लावपाचे हावेस आशिल्ले. यथार्थान जियेवपी कितें केल्यार ही विखारी चितना थांबत काय?

आ कितें? शांततायेन वचचें पडटलें. शांती बगर दुसरो मार्ग ना. खरेंच तुजें आमी तरनाट्यानी सगळ्या संवसाराक जागृत करपाचो वेळ आयला.

आमचो देशच न्हय हे विश्वाचे भार आमी उखलचो पडटलो. आयकूंक फकाणांशी दिसतात. पूण खरेच तशें केले बगर हांच्या चितनाक बरें सारे, उदक मेळप कठीण. सत्तरी पार तरी हावेस! एकमेकांचे जिरोवपाचे! फकाणांनीच न्हय दिसना तुका आपआपलें ट्रम्पेट वाजयत रावतात.

बरोबर खरे म्हणल्यार आज नवे तरनाट्यानी मुखार येवन आव्हांना स्वीकारपाक जाय. नवी दिका दाखोवपाची सामकी गरज.

मार्गदर्शन करात, नवे पिळगेक वाट दाखयात आमी आमच्या तरनाट्यांक वयर सरपाक वाव दिवपाक जाय अशें ह्या जाण्ट्यांक कळपाक जाय आशिल्लें. पूण ना, हम करेसो कायदा.

तशे कांय न्हय रे.. वृत्ती ती, मनशाची. वृत्तीच तशी आसता, बदलपाची नासता. आपणें एक धोरण आंखलें तेंच श्रेष्ठ. तातूंत देशाच्या हिता परस मान अपमान चड लागता.

खरें तुजें ना तर इतली मर्णां! भुरग्यांच्यो राशी पळोवन कोण वळवळ नासतना रावता. मात तरी कळवळपाक जाय.?

तेंच म्हणटा खंय वता ह्या बुदवंत मनशाचें तत्वगिन्नयान. कोट्यांनी लोकांची दुख्खां आनी दुका कोण अशीं कशीं पचोवंक शकता. स्वाभिमान, अभिमान, देशाभिमान, श्रेष्ठत्व, धर्म, नीती न्याय अन्याय आनी ते भायर म्हायुद्धाचो इतिहास जाणा जाल्लें अशी वृत्ती स्वीकारून मुखार स्वार्थीच जावुं येत?

काळच जाप दितलो. तरनाटे पिळगेचो असो पंगड मुखावेली पावली मारतलो. नवो इतिहास घडोवपाक अनिकेत आनी अजय मुमुरखे हांसले.

विजया शेळडेकार