भांगरभूंय | प्रतिनिधी
पणजी : एके म्हत्वाच्या बसके खातीर मुख्यमंत्री डॉ. प्रमोद सावंत दिल्लींत गेल्या. रिअल इस्टेट विशया वेल्या मंत्रिगटाच्या (जीओएम) बसके खातीर मुख्यमंत्री दिल्लींत गेल्या अशी म्हायती गोपांनी दिली. ही बसका बिरेस्तारा जातली. मंत्रीमंडळ फेरबदलाची चर्चा राज्यांत सुरू आसतना मुख्यमंत्री दिल्लींत गेल्या.
रिअल इस्टेट उद्देगां खातीर जीएसटी लागू करपा विशीं वाद सुरू आसा. हाचेर मंत्रिगटाचे बसकेंत चर्चा जावपाची आस्त आसा.
पक्षाच्या वांगडी नोंदणी मोहिमे खातीर प्रभारी आशिश सूद आनी राष्ट्रीय सरचिटणीस विनोद तावडे बुधवारा गोंयांत आयले. भाजपाच्या वांगडी नोंदणी कार्यशाळेक उपस्थिती लायले उपरांत मुख्यमंत्री दिल्ली गेले. भाजप भवनाचो बुन्यादी फातर राष्ट्रीय अध्यक्ष जे. पी. नड्डा हांचे हस्तुकीं 24 ऑगस्टाक बसयतले. हाचे पयलीं मुख्यमंत्री दिल्ली गेल्यान भाजप भवना विशीं केंद्रीय फुडाऱ्यां कडेन ते चर्चा करपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
