भांगरभूंय | प्रतिनिधी
भांगरभूंय I प्रतिनिधी
पणजी : भारतीय मानक संस्था (आयएसआय) प्रमाणीत नाशिल्लें हेल्मेट वापरपी दुचाकी चालकांचेर हाचे मुखार कारवाय करपाचे निर्देश गोंय पुलीस येरादारी निरिक्षक शेखर प्रभुदेसाय हांणी जारी केल्यात. तशेंच रस्त्याचे कुशीक आयएसआय मार्क नाशिल्ल्या हेल्मेटांची विक्री करपी विक्रेत्यांचेर कारवाय करपाचे निर्देश जारी केल्यात.
गोंयांत अपघाती मरणांत वाड जायत आसा. हातूंत सगल्यांत चड दुचाकी चालक अानी फाटीं बशिल्ल्यांक मरण येता. तशेंच जायते दुचाकी चालक आयएसआय प्रमाणीत नाशिल्लीं हेल्मेटां वापरतात. ताका लागून अपघात जाल्यार तकलेक मार बसून मरण येवपाची प्रकरणां चड घडटात.
हे विशीं गोंयांतल्या दोगां जाणांनी केंद्रीय म्हामार्ग आनी रस्तो येरादारी मंत्रालयाक ई-मेल धाडून आयएसआय प्रमाणीत नाशिल्ल्या हेल्मेट वापरपी दुचाकी चालकांचेर कारवाय करपाची मागणी केल्या. राज्यांतल्या पुलीस स्टेशनांच्या मुखेल्यांक आयएसआय प्रमाणीत नाशिल्ल्या हेल्मेट वापरपी चालकांचेर कारवाय करपाचे निर्देश जारी केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.