पी व्ही सिंधू हारली

भांगरभूंय | प्रतिनिधी

भारताची स्टार बॅडमिंटन खेळगडी पी व्ही सिंधूचें मलेशिया मास्टर्साचें आव्हान क्वॉर्टरफायनलींत सोंपलें. तिका चीनी तायपेचे ताई त्झू यिंग हिणें हारयली.

ताई त्झू यिंग हिणें पयली गेम 13-21 अशा व्हड फरकान जिखली. पूण, दुसरे गेमींत सिंघून खर प्रतिकार केलो. तिणें दुसरी गेम 21-12 फरकान जिखली. तिसरे गेमींत सिंधून खर यत्न केलो. पूण, ताई त्झू यिंग हिणें तिसरी गेम 12-21 फरकान जिखून फुडले फेरयेंत सुवात मेळयली.

टोकियो ऑलिम्पिकांत रुप्या पदक जिखपी ताई त्झू यिंगन सिंधूक 17वे खेपे हारयली. सिंधून 2019त संवसारीक वस्तादपण सर्तीचे फायनलींत ताईक हारोवन वस्तादपण जोडिल्लें. ते मॅची उपरांत ताईक हारोवपाक सिंधूक जमूंक ना.