भांगरभूंय | प्रतिनिधी
इंडीयन प्रिमियर लीग (आयपीएल) ही संवसारांतले लोकप्रीय लिगेंतली एक. आयपीएलांत खेळून जायत्या क्रिकेट खेळगड्यांनी पयशे आनी नामनां मेळयल्यात. आतां हेच पद्दतीची लीग फुडल्या वर्सा दक्षीण आफ्रिकेंत जातली.
दक्षीण आफ्रिका नव्या वर्साचे सुरवेक लिगेचें आयोजन करपाची शक्यताय आसा. आयपीएल पंगडांच्या धनयांनी हे लिगेंत रुची दाखयल्या. ताका लागून ही संवसारांतली मिनी आयपीएल जावंक शकता. ही मिनी आयपीएल येसस्वी करपाची म्हत्वाची जापसालदारकी ग्रीम स्मिथाचेर सोंपयल्या.
स आयपीएल पंगडांची गुंतवणूक
हे लिगेंतल्या फ्रॅंचायजींची पावणी 13 जुलयाक बंद जाल्ली. पूण, आतां ताका मुजतवाड दिल्या. हे लिगेंत आयपीएलच्या 6 पंगडांनी व्हडा प्रमाणांत गुंतवणूक केल्या अशी म्हायती मेळटा. खेळां म्हायती प्रमाण मुंबय इंडियन्साचे मुकेश अंबानी, सीएसके एन. श्रीनिवासन, दिल्ली कॅपिटल्साचे पार्थ जिंदल, सनरायझर्स हैदराबादाचे मारन कुटूंब, लखनौ सुपरजायण्ट्साचे संजीव गोंयका आनी राजस्थान रॉयल्साचे मनोज बदाले हांणी लिगेंतल्यो फ्रॅंचायजी विकत घेवपाचें स्वारस्य दाखयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
