भांगरभूंय | प्रतिनिधी
भांगरभूंय प्रतिनिधी
म्हापशेंः रामनगर- बेती हांगच्या अहमद शरीप मुल्ला हाचेर जीण घेणो हल्लो प्रकरणांतल्या हसन मियां मुल्ला हाका उत्तर गोंय जिल्हो आनी प्रधान सत्र न्यायालयान पांच वर्सांच्या सश्रम बंदखणीची ख्यास्त फर्मायल्या. सुरी हल्ल्याचो हो प्रकार 9 जुलय 2018 दिसा सांजे रामनगर- बेतीं हांका जाल्लो. आरोपी मुल्लान अहमद शरीप मुल्लाचेर साद्या कारणाक लागून सुरू हल्लो करून तांका गंभीर जखमी केल्लो.
पर्वरी पुलिसांनी हसन मुल्लाक खूनी हल्ल्याच्या गुन्यांवा खाला अटक केल्ली. पर्वरीचो तेन्नाचो पुलीस उपनिरीक्षक संजित पिल्लेन न्यायालयांत आरोपपत्र दाखल केल्लें. खून केशीची सुनावणी पणजेच्या उत्तर गोंय जिल्हो आनी सत्र न्यायाधीश बी पी देशपांडे हांचे सामकार जाली. तांणी दोनूय पक्षांच्या वकिलाचो युक्तिवाद आयकून घेतल्या उपरांत हसन मुल्लाक ख्यास्त फर्मायली. सरकारा वतीन सरकारी वकील पूनम भरणे हिणे बाजू मांडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
