भांगरभूंय | प्रतिनिधी
फोंडें: चिरपुटें, बांदोडेंचो अमीत शाणू गावडे (36) हो आंकवार तरणाटो शेनवारा सांजवेळा सावन बेपत्ता जाल्ल्याची कागाळ फोंडें पुलीस स्टेशनार दिल्या. शेनवारा सांजवेळा हॉस्पिटलांत उपचार घेत आसतना दोतोरा कडल्यान जबरदस्तीन स्वता डिस्चार्ज घेतले उपरांत बेपत्ता जाल्ल्याचें चवकशेंत स्पश्ट जालां. फोंडें पुलीस ह्या प्रकरणाचो अदीक तपास करतात. कोणाकूय हो तरणाटो दिसून आयल्यार पुलिसां कडेन संपर्क सादचो अशें आवाहन पुलिसांनी केलां.
मेळिल्ले म्हायती प्रमाण शापूर कदंब बस स्टॅण्डा कुशीक अमीत गावडे हो रस्त्यार पडून गंभीर जखमी जाल्लो. जखमीक 108 एम्बुलन्सीन उपजिल्हो हॉस्पिटलांत दाखल केले उपरांत, अदीक उपचारा खातीर गोमॅकाँत धाडून दिलो.
शेनवारा सकाळीं भलायकी सुदारले उपरांत अमीत गावडे हाका परतून उपचारा खातीर उपजिल्हो हॉस्पिटलांत धाडून दिलो. पूण सांजवेळा उपचार घेत आशिल्ल्या अमीत गावडेन जबरदस्तीन दोतोरा कडल्यान डिस्चार्ज घेतलो. उपरांत मात तो बेपत्ता जालो. सोमारा रातीं उसरां पुलीस स्टेशनार कुटुंबान रितसर कागाळ दाखल केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
