भांगरभूंय | प्रतिनिधी
भांगरभूंय । पत्रक
पणजीः कोंकणीतल्या प्रतिश्ठेचे गुलाब पुरस्कार जैतिवंतांक भेटोवपाची कार्यावळ 20 जुलयाक सांजें 4 वरांचेर मडगांवच्या रवींद्र भवनांत जातली. गुलाब नेमाळ्याचे संस्थापक सर्गेस्त फादर फ्रेडी डिकॉस्ता हांचे 69ने जयंती निमतान ही कार्यावळ कोंकणी भाशा मंडळ, फॅलिसियो कार्दोजाचे पाटलावदार आनी फ्रेडी डिकॉस्ता ममोरियल ट्रस्ट हांच्या जोड पालवान ही कार्यावळ जातली.
कोवीड म्हामारीक लागून 2020चे गुलाब पुरस्कार वितरण कार्यावळ जावपाक शकली ना. 20 जुलयाक 2020 आनी 2021 वर्साचे फॅलिसियो कार्दोज पत्रकारिता पुरस्कार लेगीत भेटयतले. कार्यावळीक आदलो सभापती आनी लेखक तोमाझिन कार्दोज मुखेल सोयरो आनी पत्रकार आनी लेखक संदेश प्रभूदेसाय मानाचो सोयरो म्हणून हाजीर रावतले.
2021 वर्साचे गुलाब पुरस्कार डॉ जयंती नायक (वर्साचें गुलाब व्यक्तिमत्व), फादर युसेबियो गोम्स एसएफएक्स (गुलाब वर्साचो लेखक) आनी अँथनी सान( गुलाब वर्साचो तियात्रिस्त) हांगा फावो जाल्यात. 2020 वर्साचे गुलाब पुरस्कार डॉ कार्लोस फर्नांडीस (व्यक्तिमत्व), फादर मान्युएल गोम्स एसएफएक्स (लेखक) आनी विल्सन माझारेलो (तियात्रिस्त) हांका फावो जाल्यात.
2021 आनी 2020 वर्साचे फॅलिसियो कार्दोज पत्रकारिता पुरस्कार फादर क्रियाल डिसोझा आनी प्रमोद आचार्य हांकां भेटयतले. कार्यावळीक सगल्यांनी हाजीर रावचें अशें गुलाबान मागलां, कार्यावळींत जॉनी बी गूड आनी पंगडाची मनरिजवणेची कार्यावळ जातली.
———————————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
