भांगरभूंय | प्रतिनिधी
आमच्या दिसाचो चडसो वेळ आमी आमच्या कामाच्या सुवातेर घालयतात. हांगा आमकां वेगवेगळ्या सभावाच्या लोकां कडेन जुळोवन घेवचें पडटा. दरेकल्याचे विचार वेगवेगळे आसतात आनी तांकां आमी मान दिवपाक जाय. पूण, जायते फावटीं आमच्या रागाचेर नियंत्रण वचपाची परिस्थिती आमचेर येता. हाचो परिणाम आमच्या कामाचेर जाता आनी वांगड्यां कडेन आशिल्ले संबंदूय इबाडूंक शकतात. देखूनच कामाचेर आमचो राग सांबाळपाक शिकप म्हत्वाचें. आमचो राग नियंत्रीत करपाक कळ्ळ्यार आमचे कामावेले दीस बरे भशेन वतले. राग कसो नियंत्रीत करचो हाचेर कांय टिप्स…
उण्यांत उणें १० सेकंद वाट पळयात
जेन्ना आमकां खंयच्याय गजालीचेर राग येता तेन्ना आमकां रोखडीच प्रतिक्रिया दिवपाची संवय आसता, पूण ही संवय सगळ्यांत चड लुकसान करता. आमी राग येता तेन्ना रोखडीच प्रतिक्रिया दिवची न्हय, ताचे बदला उण्यांत उणें १० सेकंद वाट पळोवचें. व्हडलो उस्वास घेवचो आनी एक ते धा मेरेन मेजचो. मागीर कशी प्रतिक्रिया दिवची तें थारावचें. उगडास दवरात, हे १० सेकंद खूब म्हत्वाचे. हाका लागून आमचो राग रोखडोच नियंत्रीत करपाक मदत जावंक शकता.
प्रतिसाद दिवंक नाकात; शांत रावचें
जर कोण तुमचीं सदांच फकांडां करता जाल्यार ताचे कडेन वाद घालचे परस शांत रावचें. आपलो राग उक्तावपाचो हो सगळ्यांत बरो उपाय. हाका लागून तुमी झगडपी मनशा परस चड शांत दिसूंक शकतात. हाका लागून तुमकां बडटी मेळपाक मदत जावंक शकता.
भायर सरात
जेन्ना तुमकां खूब राग येता तेन्ना परिस्थितींतल्यान कांय वेळ पयस रावप बरें. उदक पियेवप, भायर भोंवपाक वचप वा हेर कितें तरी करून आपलें लक्ष थंयच्यान काडचें. हो ब्रेक तुमकां शांत करतलोच, पूण परिस्थिती नव्या नदरेन पळोवपाचीय संद दितलो.
विनोदी जावचें
गंभीर परिस्थितींत फकांडां करप बरें. हाका लागून तुमचेर ताण येना. वातावरण ल्हव ल्हव उमेदीचें जाता. पूण विनोद केन्नाच व्यंग्यात्मक आसूंक फावना वा कोणाच्याय भावनांक दुखोवंक फावना.
जेवण-व्यायाम आनी न्हिद
राग हो फकत बाह्य कारणांक लागून येना. जाल्या न्हिदेचो उणाव, वायट जेवण आनी ताण हाका लागूनय येता. जर तुमी जाय तशी न्हिद घेतली, निरोगी जेवण जेवले आनी मात्सो व्यायाम केल्यार तुमी राग आनीक बरे तरेन कंट्रोल करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
