भांगरभूंय | प्रतिनिधी
दाबोळी उरतलो काय ना, प्रस्न कायम
भांगरभूंंय I प्रतिनिधी
पणजी : ओमान विमान सेवेचीं विमानां 1 जानेवारी सावन मोपा विमानतळा वयल्यान उड्डाण घेतली, अशें ट्विट कंंपनीन केलांं. मोपा उक्तावणा पयलीच अशें ट्विट कंंपनीन केल्ल्यान दाबोळी विमानतळा विशीं परतून दुबाव निर्माण जाला. दाबोळी विमानतळ उरतलोच, अशी हमी येरादारी मंंत्री मॉवीन गुदिन्हो हांंणी दिल्या.
मोपा विमानतळाच्या उक्तावणा पयलीच ओमान एर सेवा कंंपनीन एक ट्विट केलांं. ह्या ट्विटाक लागून दाबोळी विशीं खवदळ निर्माण जाला. 1 जानेवारी सावन ओमान विमान सेवेची विमानां मोपा विमानतळाचेर वतली, अशें ट्विट आसा. संवसारीक पांवड्यार बऱ्योच विमान सेवा कंंपनी आसात. ओमान सेवेचीं विमानां मोपाचेर देंवली, जाल्यार देशांतली हेर विमानां दाबोळी विमानतळाचेर वतली, अशें येरादारी मंंत्री मॉवीन गुदिन्हो हांंणी म्हणलें. दाबोळी विमानतळ बंंद जावचो ना, अशी हमी तांंणी दिली.
मोपा विमानतळाचेर अॅप टॅक्सी सेवा आसतली. दाबोळी विमानतळ सुरू उरतलो जाल्यार अॅप टॅक्सी सेवा सुरू जावपाची गरज आसा, अशें कांय दिसां पयलीं येरादारी मंंत्री मॉवीन गुदिन्हो हांंणी म्हणिल्लें. हाचे उपरांंत गोवा मायल्स अॅप टॅक्सीचो कावंंटर दाबोळी विमानतळाचेर सुरू जालो. आपाचे आमदार व्हेंझी व्हिएगश हांंणी लेगीत दाबोळी विशीं दुबाव उक्तायला. देशांत विनावापर बरीच विमानतळांं आसात. दाबोळी हो विनावापर विमानतळ जावपाची भिरांत आमदार युरी आलेमांव हांंणी उक्तायिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
