भांगरभूंय | प्रतिनिधी
पणजी: म्हाखाजन- धारगळे उजो लागिल्ल्या कंंटेनरांतल्यान बेकायदाे सोऱ्याची येरादारी जाताली. अबकारी खातें प्रकरणाच्या तपासा सयत सोऱ्याची तपासणी करतलें अशी म्हायती अबकारी खात्याच्या अधिकाऱ्यांंनी दिली.
मंंगळारा सकाळीं म्हाखाजन- धारगळे म्हालाची येरादारी करपी कंंटेनराक उजो लागलो. उजो लागतकच उजो पालोपी दळान धांव घेवन उजो पालयलो. मजगतीं, कंंटेनराच्या ड्रायव्हरान घडणूक थळा वेल्यान पळ काडलो. उज्यांत कंंटेनराचें कॅबीन लासून गेलें. एनएल 01 एन 2598 असो ह्या कंंटेनराचो नंंबर आसा. पुलिसांनी कंंटेनराची तपासणी केले उपरांंत तातूंत सोऱ्याच्या बाटल्यांंचीं बॉक्सां दिश्टी पडलीं. हाका लागून अबकारी खात्याचो पंंगड घडणूक थळार दाखल जालो. पुलिसांनी सोऱ्याची बॉक्सां ताब्यांत घेतल्यात. ड्रायव्हराचो सोद सुरू आसा.
कंंटेनर गोंयां सावन मुंंबय वटेन वतालो अशी मुळावी म्हायती आसा. ड्रायव्हराचो सोद लागले उपरांंत परवाने तशेंच हेर गजाली कळटल्यो. कंंटेनरांतलो सोरो बेकायदाे आसा. चालकाचो सोद घेतले उपरांंत अबकारी खातें चवकशी करून सोऱ्याची तपासणी करतलें. पुलिसांनी गाडी तशेच सोरो ताब्यांत घेतला. सोऱ्याचो ताबो अबकारी खात्या कडेन आयले उपरांंत हो सोरो खंयच्यान कंंटेनरात पावलो, ताचो तपास जातलो, अशी म्हायती अबकारी खात्याचे अधिकारी गौरीश शंखवाळकार हांंणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
