भांगरभूंय | प्रतिनिधी
नवी दिल्ली, खबरां संस्था: हिंदी महासागरांत चिनाच्या वाडत वचपी घुसखोरीचे फाटभूंयेर भारतीय नौदळ २६ डिसेंबराक आपलें दर्यांतलें बळगें वाडोवपा खातीर INS इंफाळचो आसपाव करतलें. INS इंफाळ मुंबय डॉकयार्ड हांगा सुरू जातलें. ह्या वेळार संरक्षण मंत्री राजनाथ सिंह हाजीर रावतले. उपरांत हे झुजा बोटीचो आसपाव वेस्टर्न नेव्हल कमांडांत जातलो.
ही बोट २० ऑक्टोबर २०२३ दिसा बंदर आनी दर्यांत चाचणी घेतल्या उपरांत भारतीय नौदळा कडेन दिल्ली. इंफाळ ही पयलीच युद्धाची बोट जावन आसा जिका ईशान्येंतल्या एका शाराचें नांव दिलां. हे बोटीचे बादणेक राष्ट्रपतींनी १६ एप्रील २०१९ दिसा मंजुरी दिल्ली.
ही बोट ब्रह्मोस, अँटीशिप सेन्सर्ड क्षेपणास्त्र, आधुनीक शस्त्रां, पाळत दवरपी रडार, ७६ एमएम रॅपीड माऊंट गन, पाणबुडी विरोधी आनी टॉर्पेडोने सुसज्ज जावन आसा. संरक्षण मंत्रालयाचें मुंबय शिपयार्ड माझगांव डॉकशीप बिल्डर्स लिमिटेड (MDL) न इंफाळची निर्मिती केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
