भांगरभूंय | प्रतिनिधी
भांंगरभूंंय प्रतिनिधी
पणजी : कोट्यांनी रुपयांच्या अबकारी भानगड प्रकरणांत मुखेल दुबावीत कारकून हरीश नायक हाचे सयत विभुती शेट्ये आनी दुर्गेश नायक ह्या अबकारी निरिक्षकांंक निलंंबीत केलांं. युडीसी हरीश नायक हाणें हेर अधिकाऱ्यांंच्या संंगनमतान 1 कोटी रुपयांंची भानगड केली. चवकशी सुरू जावपाचे फाटभुंयेर तिगां जाणांचेर निलंंबनाची कारवाय जाल्या.
परवान्यांचे नुतनीकरण करतना संंबंंदीत कारकुनान 80 सोऱ्याच्या दुकानदारांंची 28 लाखांंची फटवणूक केली. कारवायेच्या भयान ताणें हडप केल्ली रक्कम सरकाराक परत करपाक सुरवात केल्ली. शुक्रारा 11.50 लाख जमा केले उपरांंत ताणें सोमारा 12.30 लाख खात्या कडेन जमा केले. ही भानगड 2018 ते 2022 ह्या चार वर्सांतली आसा, अशी म्हायती अबकारी आयुक्त नारायण गाड हांंणी दिल्या. आपूण ताबो घेवपाचे पयलीं ही भानगड जाल्या, अशें तांंणी सांंगलें. सोरो विकपी वेवसायिकांंच्यो जबान्यो घेतले उपरांंत अबकारी आयुक्तांच्या लक्षांत ही भानगड आयली. 2018 ते 2022 ह्या वर्सा चार निरिक्षक पेडणें कार्यालयांत आशिल्ले. ह्या सगल्यांची चवकशी सुरू आसा. चवकशी सुरू आसतना दोगांं निरिक्षकांंक निलंंबीत केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
