भांगरभूंय | प्रतिनिधी
भांगरभूंय । प्रतिनिधी
फोंडेंः अनमोड हांगा सोमाराक सकाळीं अबकारी खात्याच्या अधिकाऱ्यांनी गोंयांतल्यान बेळगांव वचपी ट्रकांतल्यान 54 लीटर सोरो जप्त केलो. ताचें मोल सुमार 1 लाख 8 हजार रुपये आसा. ट्रक ड्रायव्हर सुरा रेड्डी (तेलंगणा) हाका अटक केल्या. अबकारी खात्याचो उपनिरीक्षक श्रीकांत तळसुदे हाच्या मार्गदर्शना खाला ही कारवाय केली.
टीएस 07 युई 4772 नंबराचो ट्रक सोमारा सकाळी अनमोड चेक नाक्यार अबकारी अधिकाऱ्यांनी आडावन ताची तपासणी केली. तेन्ना ट्रकाचे चॅसींत खासा तयार केल्ले सुवातेंत ही 54 लीटर सोरो ल्हिपोवन दवोरल्लो. सोऱ्या सयत अबकारी अधिकाऱ्यांनी ट्रक जप्त केला. कर्नाटक विधानसभा वेंचणुकेचे फाटभुंयेर कर्नाटकांत गोंयांतल्या सोऱ्याची येरादारी जातली हें मतींत दवोरून अबकारी अधिकारी वाहनांचेर नदर दवोरून आसात. वेगवेगळ्या पद्दतीन सोरो व्हरपाचो यत्न वाहन चालक करतना दिसतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
