भांगरभूंय | प्रतिनिधी
वंडर्स ऑफ युरोपथी ह्या पुस्तकांत अणभवांच्या उतरांची माळ आसा. गोंयचें सुटकेझुज, भाशा आंदोलना वेळार युरोपथीचो उपेग करपी आजूय आसात. कोंकणी भाशेंत ‘वंडर्स ऑफ युरोपथी’ हें पुस्तक नाशिल्ल्यान पुस्तका विशीं ‘भांगरभूंयं’तल्यान सांगतां. अणभवाचीं चार उतरां, स्वमूत्र रातचें घेतल्यार न्हीद बरी येतली. काल घेतिल्ल्या स्वमूत्राचे परिणाम फाल्यां हे भुंयेर दिसचे, तरणाट्यांनी युरोपथी समजून घेवची ह्या विचारांतल्यान देखी दीत पुस्तकाचें लिखाण जालां.
कॅन्सरावरी दुयेंसां विशीं मेकळेपणान उलोवपी ललीता अगरवाल म्हजे यादींत आसा. एक मतींत दवरात कॅन्सर जाल्ले 30- 40 वर्सां ह्या संवसारांत रावंक शकतात. कॅन्सर घराब्यांचेर अरिश्ट हाडपी? संशोधन जायत व्हय? मनशाक आठ वरां न्हीद जाय, न्हीद मेळ्ळी ना जाल्यार शिकप? सेवा दिवप कशें शक्य आसा? ज्येश्ठांक पांच- स वरां न्हीद मेळटली तेन्नाच तांची भलायकी बरी उरतली. एक वर सवका चलप, दिसाचें भोंवप, सदचे वेवहार चालूच दवरप ज्येश्ठांचे जिणेंत खोस हाडपी. ज्येश्ठांक पांच- स वरां जाल्यार पन्नास वर्सा मेरेनच्या तरणाट्यांक उणींच आठ वरां सुसेगाद न्हीद गरजेची.
आर्टिफिशल इंटलेजिन्साच्या आजच्या तेंपार पावस, वत, शिंयांचें ऋतुमान शंभर वर्सां फाटीं वचपाक तंत्रगिन्यान जापसालदार आसा? भारतकार हेगडे देसाय हांचे अग्रलेख वाचल्यार मराठी आनी कोंकणी भास एकूच अशी दिसतली, तशेंच ऋतुमानाचेंय. ऋतुमाना प्रमाण मुतांत बदल जातात, उदक घोट घोटय पिवप आरोग्याक बरें. 90- 95, 100 वर्सां संवसारांत आशिल्ले आमचे दायजी, आमचें दायज, मोरारजीभाय आनी तांची युरोपथीय.
‘वंडर्स ऑफ युरोपथी’ पुस्तक युरोपथीचेर बरोवपी डॉ. ठक्कर स्वमूत्राचेर उपास करपाक सांगतात. उपासावेळार दीस, रात विसव, न्हीद जाय. फकत पयसो मेळ्ळो, तो मेळोवपा पासत रात दीस त्रास काडले पूण लोकां मेरेन पयसोच पावलो ना जाल्यार? पयसो लोकां मेरेन पावयतल्यांक उपाशीं रावचें पडटा? ‘वंडर्स ऑफ युरोपथी’ तांकांय उपेगाचें. डॉ. ठक्कर हांच्याच उतरांनी सांगपाचें जाल्यार अमेरिकेवरी आमी न्हिदेच्या गुळ्यांचे भकीक पडूंक जायना. घटमूट भलायकेचें गुपीत अर्थीक उदरगतींतच न्ही जाल्यार नितळ उदक, नित्याच्या खाणा जेवणांतय आसता. युरोपथीचेंय तशेंच.
ह्या पुस्तकांत शिवांबू उपायांचेर बरयल्ल्या पुस्तकांची म्हायती आसा. स्वमूत्र चिकित्सा हें चंद्रिका प्रसाद मिश्रा, मानव मूत्र- रावजीभाई एम पटेल, वॉटर ऑफ लायफ- जे डब्ल्यू आर्मस्ट्राँग, शिवांबू इलाज- डॉ. डी देसाय, मिरेकल्स ऑफ युरीन थेरपी- डॉ. सी पी मित्तल, ऑटो युरीन थेरपी – डॉ. प्रागजीभाई राठोड हीं तातूंतलीं वेंचीक. अशीं शेंकड्यांनी पुस्तकां आसतलीं, देशी आनी विदेशी.
वंडर्स ऑफ युरोपथी ह्या पुस्तकाक प्रस्तावना बरोवपी डॉ. बी. व्ही. खरे युरोलॉजिस्ट. कॅन्सर जाल्ल्या दुयेंतीक तांणी युरोपथी इलाज करपाक सांगले. पेशंट बरो जालो, खेळपाकय लागलो तेन्नाच डॉ. खरे हांकां युरोपथीचें म्हत्व कळ्ळें. तेय शिवांबूभक्त आनी हजारांनी पेशंटांक दुयेंतांतल्यान बरे करपी.
युरोपथी करतना सुरवात एका कुलेरान करात, एक कुलेर उदक/ लिंबाचे थेंब घालात. एक वेगळो ग्लास/ पेलो/ वाटी मूत धरपाक आसचो. मूत पिवचे आदीं एक वर जेवप समा जातलें. फांतोडेर मूत पिवप, रातीं उसरां मूत पिवप, तें पितना सुरवेक भायर उडोवप. ही दिल्या फकत देख, तुमचे अणभव सांगात, ते वेगळे आसूंये. सोरो आनी वेसनाचे नाकात. सोरो, तंबाखू, घुंवळे वखदां पसून पयस रावल्यार मूत नितळ उरतलें. उदक खूब पिल्यार, न्हीद बरी मेळ्ळ्यार.
सुटयेच्या दिसा स्वमूत्र घेतकीच दोन- तीन वरां न्हिदचें. न्हिदूंक मेळ्ळेंना आळसाय जातली, थंडीय जायत, नाकाक शिवांबू लायात दोन दिसां भितर, शिवांबू पियात. वास घेतल्यार मनशाचें मूत विखाळ, आंगांतलो म्हेळ आसता अशें मानपी आसतले. भारताचे आदले प्रधानमंत्री मोरारजीभाई देसाय, रेंवटांत रावपी, बोटीर शिरकल्ले कशे रावले आसत शिवांबूचेर? विदेसांतल्या शिवांबूमोगी, साधकांनी आपल्या मुताचेर, आयिल्ल्या अणभवाचेर संशोधन केलां. भारतांत हालीं शिवांबू संशोधन करपी वाडटात. मोरारजी उपरांतचे प्रधानमंत्री ह्या संशोधनाक तेंको दिवपी नासतले अशें न्हय. आतां तर केंद्रीय आयुष खातें आसा निसर्गोपचारांक बळगें दिवपी. निसर्गोपचाराची चळवळ आयज फुडें पावल्या, युरोपथीचो आसपाव तातूंत जायत व्हय?
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
