भांगरभूंय | प्रतिनिधी
दिवचल: अस्तंत बंगाल आनी हेर राज्यांनी भाजपान व्हड जैत मेळयिल्ल्यान भारतीय जनता पक्ष दिवचल मतदारसंघांतल्या कार्यकर्त्यांनी जैताचो उत्सव मनयलो. आमदार डॉ. चंद्रकांत शेटये हांणी मंडळ अध्यक्ष डॉ. कौस्तुभ पाटणेंकार, युवा अध्यक्ष अनिकेत चणेकार, विस्वास गांवकार हांचे सयत खूबशे कार्यकर्ते वांटेकार जाल्ले.
आमदार डॉ. चंद्रकांत शेटये हांणी नरेंद्र मोदी हांचें कार्य व्हड आसून देशाक संवसारीक पांवड्यार व्हरपाक तांचे व्हड योगदान आसा. दरेका घरांत समृद्धी हो भाजपाचो नारो आसतलो. ताका लागून पुराय देश भाजपमय जावपाचे दिकेन वाटचाल करीत आसा.
येता तें वेंचणुकेतूय गोंयांत पुरायपणान भाजपाचेंच सरकार स्थापन जातले. कार्यकर्त्यां मदीं देशभरांत जोश निर्माण जाला. अस्तंत बंगालांत ममता बॅनर्जीचें सरकार उमथावन उडोवप ही काळाची गरज आशिल्ली, आनी भाजपाच्या फुडाऱ्यांनी ती करून दाखयली. हाका लागून देशभर आनंद उत्सव मनयत आशिल्ल्याचें आमदार डॉ. शेटये हांणी सांगलें.
पाटणेंकार हांणी प्रधानमंत्री नरेंद्र मोदी, गृह मंत्री अमीत शाह आनी तांच्या पंगडान वेंचणुकांनी दोळे दिपकावपी जैत मेळयतनाच भाजपा बगर देशांत पर्याय ना हें दाखोवन दिलां. आतां गोंयांतूय भाजपाक सत्तेंत हाडपा खातीर आनीक नेटान काम करपाची गरज आसा अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
