भांगरभूंय | प्रतिनिधी
पोरणें-गोंय ः पोरणें गोंयांतल्या एका रेस्टॉरंटांत दोतोर सयत 5 जाणांनी सोऱ्याचे नशेंत गोदळ घालो. मुखेल म्हळ्यार हे पांचय जाण पोरणें गोंयांतल्या एका फामाद हॉस्पिटलांत काम करतात.
खबरे प्रमाण, बिरेस्तारा रातीं सुमार 10 वरांचेर धावजी- पोरणें गोंयांतल्या ‘दर्या देगेर’ रेस्टॉरंटांत ही घडणूक घडली. ह्या वेळार डॉ. अजय मुंडेकार, शुभम सावंत, स्वप्नील नायक, अब्राहम गायकवाड हे चार जाण आयले. किरकोळ कारणाक लागून तांणी गोंदळ घालपाक सुरवात केली. हे खेपे तांणी हॉटेलांतलें मेज आनी कदेलांचेय लुकसाण केलें. मजगतीं, तांकां आडावंक गेल्लो हॉटेलाचो धनी जॅरी कोएलो आनी ताचो इश्ट सिद्धेश देसाय हांका गाळी घाल्यो. हाका लागून हॉटेलांत हाजीर आशिल्ल्या लोकांक खूब त्रास जाले.
मजगतीं, हॉटेलाच्या धनयान पुलिसांक फोन करून घडणुकेची म्हायती दिली. पुलीस निरिक्षक योगेश सावंत हांच्या मार्गदर्शना खाला उपनिरिक्षक व्हेरॉनिका कुतीन्हो हांणी गुन्यांव नोंद करून पांचूय जाणांक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
