भांगरभूंय | प्रतिनिधी
मडगांव, प्रतिनिधी : कोलवा वाठारांत झगडीं जाल्ल्याची म्हायती मेळटांच पुलीस थंय रोखडेच पावले. तेन्ना दुबावीत साविओ कार्दोज आनी जीझस हांणी पुलिसांक बडोवन, गाडी तशेंच मोबायल फोडलो. ह्या प्रकरणांत पुलिसांनी दुबावीत साविओ हाका अटक केली जाल्यार दुसर्याचो सोद घेतात.
मेळिल्ले म्हायती प्रमाण, सोमारा सांजेवेळार कोलवा वाठारांत झगडी, मारामारी चालू आशिल्ल्याची म्हायती कोलवा पुलिसांक मेळ्ळी. ते प्रमाण पीसीआर व्हॅनीक थंय धाडली. झगडें मिटोवपाचो यत्न करतना साविओ आनी जीझस हांणी पुलिसां कडेन वाद घालपाक सुरवात केली. तांकां मारले आनी धमकीय दिली. ह्या मारामारी वेळार पीसीआर व्हॅनीचो अँटिना तोडलो आनी एका पुलिसाचो मोबायलूय फोडलो.
पुलीस शिपाय नवनाथ नायक हांणी हे विशी कागाळ दाखल केली. ते प्रमाण भौशीक मालमत्तेचें लुकसाण करप, सरकारी कर्मचार्यांच्या कामांत अडखळ हाडप, मारामारी करप, धमकी दिवप, भौशीक शांतिकाय भंग करप हे खातीर गुन्यांव नोंद जाला. पुलीस निरीक्षक थेरन डिकॉस्टा हांच्या मार्गदर्शना खाला पुलीस उपनिरीक्षक दीपा देईकार हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
