भांगरभूंय | प्रतिनिधी
मडगांव, प्रतिनिधी : कोकण रेल्वे मार्गा वयल्यो आडवली – आचिर्णे विभागांतल्या मालमत्तेचे देखभालीच्या कामां खातीर ९ फेब्रुवारीक अडेज वरां मेगाब्लॉक आसतलो. ताका लागून दिवा आनी जनशताब्दी एक्स्प्रेस ह्या गाडयांच्या वेळांचेर परिणाम जातलो.
कोकण रेल्वे मार्गाचेर ९ तारखेर सकाळीं ९ ते ११.३० ह्या वेळार आडवली – आचिर्णे विभागा मजगतींच्या मालमत्तेच्या कामा खातीर अडेज वरांचो मेगा ब्लॉक करपाचो निर्णय घेतला. ताका लागून रेल्वे सेवेचेर परिणाम जातलो.
गाडी क्र. १०१०६ सावंतवाडी रोड – दिवा एक्स्प्रेसचो प्रवास ९ तारखेर सुरू जावपी प्रवास सावंतवाडी रोड – कणकवली विभागा मजगतीं ९० मिनिटां खातीर नियमीत करतले. जाल्यार गाडी क्र. १२०५१ मुंबय सीएसएमटी मडगांव जंक्शन जनशताब्दी एक्स्प्रेसचो ९ तारखेक सुरू जावपी प्रवास रत्नागिरी स्टेशनाचेर १० मिनिटां खातीर नियमीत करतले. प्रवाशांनी ह्या बदलाची नोंद घेवपाचो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
