भांगरभूंय | प्रतिनिधी
गाडयेन प्रवास करप चड सोयीचें आसता, पूण जायत्या जाणांक ती ख्यास्त जाता. खासा करून प्रवास लांब आसता तेन्ना लोक गाडयेन वचपाचो दोन फावटीं विचार करतात. खरें म्हणल्यार कांय जाणांक गाडयेंत उलटी जावंक लागता वा मोशन सिकनेस जावपाक लागता. प्रवास करतना पोटान धवळप, ओंकूंक वा घुस्मटमार जावपी लोकांनी प्रवासा वेळार हे उपाय पाळचे. अशें केल्यार तुमचो प्रवास सोपो जातलो.
सगळ्यांत पयलीं सदांच लक्षांत दवरात की जेन्ना तुमकां लांब प्रवास करपाचो आसता तेन्ना घरांतल्यान भायर सरतना हलके कितेंय खावचें. पोट भरून नास्तो करून भायर सरल्यार तुमकां समस्या निर्माण जावंक शकता. ताका लागून ओंकूंक येवपाची शक्यताय वाडटा.
जर तुमकां गाडयेंत मोशन सिकनेस आसल्यार फाटले न्हय तर फुडल्या सिटार बसचें. फाटल्या सिटार आंग हालप चड जाल्ल्या ताचो परिणाम तुमच्या पोटाचेर जावं येता. जाका लागून पोटांत धंवळटा आनी ओंकूंक येवपाची शक्यताय आसता.
जर तुमकां गाडयेंत ओंकूंक येता जाल्यार सदांच गाडयेंतल्या जनेला कडेन बसचें. जाका लागून ओंकतना गाडी घाण जायना आनी ओंकपूय सोंपें जाता. गाडयेचीं जनेलां उगडून भायली हवा घेयात आनी मदीं बसूं नाकात.
लांब प्रवासांत अदीं मदीं रावून ताजी हवा घेवप गरजेचें. तुमकां मोशन सिकनेस वा ओंकूंक आयल्यार पुराय प्रवास एकाच वेळार पुराय करपाचो विचार करचो न्हय. कांय वेळा उपरांत गाडी थांबयात आनी भायले हवेचो उस्वास घेवचो.
जाय जाल्यार लवंग आनी काळीं मिरयां वांगडा दवरूं येतात आनी ओंकूंक येता अशें दिसता तेन्ना खावं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
