भांगरभूंय | प्रतिनिधी
पणजी, प्रतिनिधी : बेतुल हांगां जावपी भारतीय उर्जा सप्तकात (आयइडब्लु) 17 देश वांटेकार जातले. देश – विदेशांतले 35 हजार लोक येतले, अशी म्हायती केंद्रीय पेट्रोलियम मंत्री हरदीप सिंग पुरी हांणी नवी दिल्लींत दिली.
प्रधानमंत्री नरेंद्र मोदी हांचे हस्तुकी 6 फेब्रुवारीक ह्या उर्जा सप्तकाचें उक्तावण जातलें. 9 फेब्रुवारी मेरेन तें चलतलें.
फाटले वर्सा बंगळुरांत पयलो भारतीय उर्जा सप्तक जास्लो. अंदुंचो हो दुसरो. हो सप्तक 18500 चौखण मिटर जाग्यांत जातलो. देश- विदेशांतल्यो 900 कंपनी प्रदर्शनांत स्टाॅल मांडटल्यो. मेक इन इंडिया पॅवेलियनात स्टार्ट अप आनी नवनिर्मितीचे दर्शन घडोवपी स्टाॅलां आसतलीं
इंडिया एनर्जी सप्तका निमतान प्रधानमंत्री नरेंद्र मोदी हे गोंयांत येतात. मडगांवां तांची 6 तारखेक सभा जातली. हे सभेक उणेच 50 हजार लोक हाडपाची मोख वावुरप्यांनी दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
