भांगरभूंय | प्रतिनिधी
दिवचल: सर्वण दिवचले धरणाच्या कानालांत अचकीत पडिल्ल्या रेडकाक सुमार चार वरांच्या खर यत्ना उपरांत दिवचल उजो पालोवपी दळाच्या जवानांनी सुखरूप भायर काडपाक येस मेळयलें.
हें रेडूक कानालाचे कुशीक चलत आसतना अचकीत कानालांत पडलें. पूण दोनूय वटांनी सिमेंटाचे काँक्रीट आशिल्ल्यान ताका कानालांतल्यान भायर येवपाक संघर्श करचो पडलो. उपरांत दिवचल उजो पालोवपी दळाक हे विशींची म्हायती दिली. तांणी सुमार चार वरां यत्न करून भियेल्ल्या रेडकाक कानालांतल्यान सुखरूप भायर काडपाक येस मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
