भांगरभूंय | प्रतिनिधी
पणजी, प्रतिनिधी : येणावळ मंत्री बाबुश मोन्सेरात हे सध्या गोंय वैजकी म्हाविद्यालय हॉस्पिटलात दोतोरांच्या देखरेखी खाला आसा. तांची भलायकी थीर आसा. फाल्यां बुधवारा तांकां डिस्चार्ज मेळटलो, अशी म्हायती तांची घरकान्न आमदार जेनिफर मोन्सेरात हांणी दिली.
तांचेर अँजीओप्लास्टीची शस्त्रक्रीया येसस्वी जाल्या. आनीक उपचाराची आवश्यकता ना, अशें दोतोरांनी सांगलां. भलायकीत इबाड जाल्ल्यान बाबुश हांकां आयतारा रातीं गोंय वैजकी म्हाविद्यालयांत दाखल केल्ले. तांका हलको आताक आयिल्लो, अशें मोन्सेरात हिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
