हळर्ण – तळर्णच्या सरपंच पदाचेर मयूर परब
भांगरभूंय | प्रतिनिधी
पेडणें, प्रतिनिधी ः हळर्ण – तळर्णच्या सरपंच पदाचेर महेश्वर उर्फ मयूर परब हांची विरोधा विणें निवड जाली. दिव्या नायक हांणी सरपंच पदाचो राजिनामो दिल्ल्या उपरांत तें पद रितें जाल्लें. ते प्रमाण 23 तारखेक सरपंच पदाची वेंचणूक जाली. ते प्रमाण महेश्वर परब हांकां सरपंच पदाचेर एकमेव अर्ज मेळिल्ल्यान विरोधा विणे निवड जाली. हे वेळार उपसरपंच सिद्धी राऊळ, रामचंद्र परब, शैलेश नायक, आरती राऊळ आनी दिव्या नायक आदि पंच वांगडी हाजीर आशिल्ले.
महेश्वर हांका सरपंच म्हणून विरोधा विणे वेंचून आयले उपरांत थळावो आमदार प्रवीण अर्लेकार हांणी पंचायत कार्यालयांत सरपंच आनी पंचायत मंडळाक मेळून तांकां परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
