भांगरभूंय | प्रतिनिधी
पणजी, प्रतिनिधी : गुन्यांव फांट्यान म्हापश्यां छापो घालून ड्रग्सा सयत आंतरराष्ट्रीय तस्कर उगोचुक्वू सोलोमन उबाबूको (३९) ह्या नायजेरियन नागरिकाक अटक केल्ली. अटक केल्लो दुबावीत ड्रग्ज तस्करी वरवीं आपले पोट चलयता हें न्हयकारूक येना अशें निरीक्षण नोंद करून म्हापशेंच्या अतिरिक्त सत्र न्यायालयान उबाबूकोचो जामीन भायर मारलो. हे विशींचो आदेश न्या. शर्मिला पाटील हांणी दिलो.
ह्या प्रकरणांत गुन्यांव फांट्यान १ जानेवारीक गुन्यांव दाखल केला. ते प्रमाण म्हापशेंच्या मार्केट यार्ड लागसारा एक विदेशी नागरीक ड्रग्ज तस्करी करपा खातीर येवपाचो आशिल्ल्याची म्हायती गुन्यांव फांट्याच्या एका अधिकार्याक मेळ्ळी. ते प्रमाण पुलीस अधीक्षक निधीन वाल्सन आनी अधीक्षक सूरज हळर्णकार हांच्या मार्गदर्शना खाला निरीक्षक दत्ताराम राऊत हांच्या नेतृत्वाखाला पंगडान सोमार, १ जानेवारीक रातच्या १.४५ ते सकाळीं ३.५० मजगतीं म्हापश्या मार्केट यार्ड लागसारा सांपळो रचून त्या सुवातेर आयिल्ल्या एका विदेशी नागरिकाक ताब्यांत घेतलो. ताची चवकशी केली तेन्ना तो उगोचुक्वू सोलोमन उबाबूको आशिल्ल्याची म्हायती पंगडाक मेळ्ळी. ताचे कडल्यान ८५ हजार रुपयांचो ७.२१७ ग्रॅम कोकेन, एक मोबायल आनी ४,९४९ रुपय मेळून १.०५ लाख रुपयांचो माल जप्त करून ताका अटक केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
