भांगरभूंय | प्रतिनिधी
फोंडें, प्रतिनिधी: साफा मशीदी मुखारच्या धोक्याच्या रस्त्यार यू -टर्न घेवपी खाजगी बसीक पणजे वटेन वचपी गाडयेचो धपको बसून एक बायल जखमी जाली. ह्या रस्त्याचेर यु टर्न घेवपाक परवानगी नासून लेगीत खाजगी बस चालक नेम मोडून यु टर्न घेतात. ताका लागून हांगा परत परत अपघात जायत आसतात.
मेळिल्ले म्हायती प्रमाण, आयतारा दनपरां १२.३० वरांचेर गोंयांत दाखल जाल्ली टीएस – ०७- एफडी – ६९८९ क्रमांकाची गाडी पणजे वताली. वेगान धांवपी गाडी साफा मशीद लागसारा आशिल्ल्या धोको निर्माण करपी रस्त्याचेर पावली. उपरांत यु टर्न घेवपी जीए – ०५- टी- १२०८ खासगी बसीक ते गाडयेन धपको दिलो आनी गाडयेंतली एक बाय जखमी जाली. तशेंच गाडयेचें व्हड लुकसाण जालें. खाजगी बसींतले प्रवासी मात वाटावले. फोंडेंचे सहाय्यक उपनिरीक्षक सुधाकर गांवकार हांणी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
