भांगरभूंय | प्रतिनिधी
पणजी, प्रतिनिधी : रियर ऍडमिरल सतीश शणै हांणी कोचीच्या सदर्न नॅवल कमांड मुख्यालयाचे चीफ स्टाफ अधिकारी (प्रशिक्षण) म्हणून ताबो स्विकारलो. ते नौदल अकादमीचे विद्यार्थी. १ जुलय १९९३ सावन ते नौदळांत आसात. तांचो जल्म मोरजेचो. तांचे बाबा मेघनाथ हे निवृत्त शाळा शिक्षक आसात. भाई मास्तर ह्या नांवान तांकां वळखतात. शाळेंतल्या शिक्षकांच्यो बदल्यो जाल्ल्यान सतीश शणै हांचे गोंयच्या विवीध वाठारांनी रावप जालां.
सतीश शणै वेलिंग्टन हांगच्या डिफेंनस सर्विसेस स्टाफ महा विद्यालयाचे विद्यार्थी. १९८५ वर्सा सेलर म्हणून रुजू जाल्या उपरांत विवीध परिक्षा पास जावन ते अधिकारी पदार पावले. फ्लॅग ऑफिसर आसतना २००९ वर्सा तांकां विसिएनएस पुरस्कार, २०११ वर्सा सीएनएस पुरस्कार आनी २०२१ वर्सा नौसेना पदक तांकां मेळ्ळां. निवृत्ती उपरांत गोंयांत येवन समाजीक काम करपाची तांची इत्सा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
