भांगरभूंय | प्रतिनिधी
माले, खबरां संस्था : मालदीव आनी भारत हांचे मदल्या भूंय- राजकी संघर्शाक लागून एका भुरग्याचो जीव गेला. फकत 14 पिरायेचेर मालदीवचो राष्ट्राध्यक्ष मोहम्मद मुइज्जू हांचे अभिमानी वृत्तीक लागून ह्या भुरग्याचो जीव गेला. ह्या भुरग्याक ब्रेन ट्युमर जाल्लो. त्या भुरग्याक स्ट्रोक आयलो तेन्ना ताका वैजकी उपचारा खातीर विमानांतल्यान व्हरपाची गरज आशिल्ली. पूण राष्ट्राध्यक्ष मोहम्मद मोइज्जू हांची परवानगी नाशिल्ल्यान विमान येरादारी करपाक मेळूंक ना. ताका लागून भुरग्याक मरण आयलें. संवसारांत दोन राजकी शक्ती, संस्था, राज्यां, देश झगडात आनी ताचे वायट परिणाम निश्पाप लोकांक भोगचे पडटात, ताची ही एक देख,
भुरग्याक ब्रेन स्ट्रोक आयलो. ताका ताच्या गाफ अलिफ विलिंगिली ह्या घरांतल्यान राजधानी माले हांगा व्हरपा खातीर एर ऍम्ब्युलन्सीची गरज आशिल्ली. मात अधिकार्यांनी एअर ऍम्ब्युलन्सीनी रोखडीच पुरवण करूंक ना. असो कुटुंबाचो आरोप आशिल्ल्याचें मालदीवच्या माध्यमांनी सांगलें. तशेंच, हें एअर लिफ्ट करपा खातीर राष्ट्राध्यक्ष मोहम्मद मोइज्जू हांणी परवानगी दिवंक ना. ताका लागून त्या भुरग्याक जीव व्हगडावचो पडलो, अशेंय जायत्या माध्यमांनी म्हणलां.
‘‘आपल्या पुताक ब्रेन स्ट्रोक आयल्या उपरांत आमी रोखडोच आयलंड एव्हिएशना कडेन संपर्क केलो. पूण तांणी आमच्या कॉलाक प्रतिसाद दिवंक ना. तांणी बिरेस्तारा सकाळीं कॉल घेतलो. अशा प्रकरणां खातीर एअर ऍम्ब्युलन्स आसप होच उपाय.’’ अशी म्हायती त्या चल्याच्या बापायन दिली. मजगतीं, भुरग्याक १६ वरांनी माले हांगा व्हेलो.
आरोप जाल्या उपरांत कंपनीचें निवेदन
आसंधा कंपनी लिमिटेडान निवेदनांत म्हणलां, आपत्कालिन एअर ऍम्ब्युलन्सची मेळ्ळ्या उपरांत रोखडेंच दुयेतीक माले हांगा व्हरपाची प्रक्रिया सुरू जाल्ली. मात, निमाण्या वेळार विमानांत कांय तांत्रिकी समस्यांक लागून आमकां एअर अम्ब्युलन्साची सुविधाय दिवपाक मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
